هل من حق الاخ ان يفتش فى موبايل اخته؟

بسم الله والصلاة والسلام على رسول الله.
اولا الاسلام كفل للمسلم والمسلمة كافة الحريه فى تصرفاتة مالم يكن اثما او يوقع ضرربالأخرين,لقول الرسول لاضرر ولاضرار "


من حق ولى الامر ان يتابع من يرعاة ويوجهه مع عدم الاضرار بمشاعرة .كما ان اخاك يغار عليك وليس الامر كما تعتقدين انه لايثق فيك .
فعليك ان تحمدى غيرته مادام لايجرح شعورك وانت لاتخفين اوتفعلين شىء خطأ.ارجو الرد على كلامى

شكرا على المرور والرد الصريح لكن كثير من البنات بتحط على موبايلها حاجات ابوها او اخوها ما ينفعش يشوفها يعنى مثلا صور صاحبتها او فيديو لها هى وصاحبتها وماينفعش انه يشفها ابدا وانا شايفه ان الموبايل حاجه شخصيه سواء للبنت او الولد ولا اقبل ان يتعدى على خصوصيتى احد حتى لو كان ابى مع انى مش بعمل حاجه خطأ لكن حكاية بيغير فده طبيعى لكن اذا انا ما قلتلهوش يبقى مش ليه حق انه يفتش فيها سواء موبايل او دفتر ذكرياتى او درجى او اى حاجه شخصيه بالنسبه لى
وكمان لو اخويا عارف انى كويسه او كذا مش هايفتش من الاساس يعنى مثلا انا لو قلت نا خارجه راحه الحته الفلانيه يجى اخويا يمشى ورايا عشان يشفنى انا راحه ولا لأ فانا شايفه انى دى او التفتيش فى الموبايل او اى حاجه شخصيه عدم ثقه مش غيره

اتفقنا ان دى مش حكاية شك مادام انت مبتعمليش حاجه غلط اما بالنسبه للاب اوالاخ الكبير فبيعمل كدة لاسباب منها :
1-قول الرسول " كلكم راع وكلكم مسئول عن رعيته".
2-انه ليس وحده من يربى ولكن هناك الاصدقاء والشارع والجامعة والاعلام فيخاف من تأثيرهم السلبى ان لم يستخدموا بحكمة.
3-وصول الفتى اوالفتاة ايا كان الى سن المراهقة والبلوغ وما يصاحبه من تغيرات عقلية وفسيولجية وهرمونية ونفسية .
كل هذة المؤثرات ان لم يكن هناك قدر كافى من التربية الصحيحة والرعاية وفى الاول والاخر هداية الله وتوفيقة قد تؤدى بالانسان الى طريق لايحمد عقباة.
كما انه كما قلنا هوحب وخوف قبل الغيرة ولااظنها تصل لدرجة ان يراقبك فى اثناء خروجك مادام يعلم اين تذهبين ,والواجب عليك الاتزعلى بل اختارى صحبة صالحة واشركي العائلة فى اعمالك واطلبى من الله ان يرزقك طاعتة ويحفظك من الفتن وشرها .......

ملحوظة بالنسبة ان التليفون قد يكون علية صور لاصحابك فاعتقد ان اخوك سيكون امينا كما ان الصور يجب ان تكون عادية لان المحمول او غيرة معرض للوقوع فى يد الغير او الضياع ....

انا مع حضرتك فى كل اللى قلته بس برضه اظن المفروض يراعو شعور البنت فى حاجه زى كده لان ده بيأثر سلبا على تعامل البنت مع والدها او اخوها وبالنسبه لى الحمد لله اخويا وابويا ما بيعملوش اى حاجه من دى لان بفضل الله عارفين بنتهم ومش بيشكو فيها لكن انا ما رضاش لاى بنت حاجه زى كده وممكن كمان تكون كاتبه اسم بنت على موبايلها بشكل يثير الشبهه او كاتبه رساله لصاحبتها مش عايزه حد يعرفها سواء صحبتها كتبها فىها سر او كذا وهو لما يقرأها يعمل مشكله على حاجه زى دى وارجع برضه واقول لو هم واثقين فيها مش حايعملو حاجه زى دى ابدا
اما بالنسبه لوصول البنت والولد لسن المراهقه او كل واحد مسئول عن رعيته فأنا معاك تماما بس مش لدرجة برده انه يفتش فى حاجاتها الخاصه لكن ممكن يقعد معاها يكلمها فى حاجه زى دى وان ده غلط ويفهمها براحه وصدقنى البنت بتستجيب بسرعه ويبقى كده هو عمل اللى عليه اما صراحة انه يفتش وراها فهى ممكن تأثر بالعكس ويوصل الموضوع فى الاخر لعناد ده رأيي ده لخلاف برده للصور او الفيديوهات او كذا
اما بالنسبه للصور فانا بتكلم عن كل الشباب فكما فى شباب كويسه ومش ممكن تفتح صور اخواتها فى شباب مريضه ودول كتير جدا والله اعلم حتى ممكن ياخد رقم واحده صاحبتها او حاجه
اما بالنسبه لان البنت تحط صور صحبتها مثلا منتقبه وهى مصورها بشوها على موبايلها او كذا فانا مش شايفه ان دى فيها حاجه غلط او صور لصاحبتها بشكل اخر انا بدى لحضرتك مثل بس لان دى حاجه شخصيه وانا مش هارضى ادى موبايلى لحد عارفه انه المفروض ما يشوفش الصور دى اما حكاية ضياعه فده مش بايديا انا ده رأيى برده وجزاكم الله خيرا على اهتمامك بالموضوع

اما بالنسبه للصحبه فالحمد لله وبفضله اخواتى خير ناس ولن احيد عن هذا الدرب ابداااااااااااااا مهما كان( ان شاء الله)

ثبتك الله وثبت جميع المسلمين وحفظهم على الطريق المستقيم.....

امين يارب العالمين ......... ومشكور على الاهتمام بالموضوع

اسفه
امين يارب العالمين ........ومشكور على الاهتمام بالموضوع