رمضان السنة دي نيو لوك
زي مافي ناس كثير كان رمضان سبب تغييرها ، انت كمان تقدر تخلي رمضان سبب تغييرك
أول مرة : مع نفسك وعلى ورقة بيضاء اكتب 3 حاجات ترضي ربنا عمرك ما عملتهم في حياتك ، وحاول تعملهم في رمضان ،جرب احساسك بالطاعة وقولنا ايه الفرق ؟
5 دقائق... فقط ولمدة 5 دقائق بعد كل صلاة افتح مصحفك وإقرأ ماتيسر لك من القرآن الكريم ، ستفاجا انك ختمت القرآن في آخر يوم من رمضان ، وكل ما تضاعف الخمس دقائق كل ما تختم القرآن اكثر .
100 صائم... 2 كيلو بلح ، ومجموعة من الأكياس الصغيرة ، وخلي حد من أصحابك يساعدك في تفصيص البلح ووضع كل 3 تمرات في كيس ، ووزعوها على السيارات قبل المدفع بـ 10 دقائق ، وخد ثواب إفطار 100 صائم .
10 أيام لو ظابط فى يوم اشتبه فيك و مسكك تحري ، وفضلت مرمى فى الحجز 10 ايام على ذمه قضيه ، أكيد حتفضل تدعي " يارب فرج عني ما انا فيه " لحد ما تظهر برائتك. ايه رأيك لو تحبس نفسك بجد 10 ايام على ذمه قضيه متهم فيها بدخول النار ، وبعد الـ 10 ايام تلاقى نفسك واخد براءه . ايه رأيك تعتكف إنت وصحابك السنه دى ، وحتى لو كل صحابك رجعوا في كلامهم تصمم انت على الاعتكاف ، بعد الـ 10 ايام ولأول مره في حياتك حتحس بشعور لا يمكن تخيله . جرب بنفسك حتكسب كتير
8 ركعات صلاة التراويح 8 ركعات .. لو عمرك ماصليتها أو كنت بتتكاسل عنها ، جرب تروح جامع كبير. واتفرج على الناس وهي بتصلي وشوف سعادتها بعد الصلاة وقول لنفسك "يعنى كل الناس دى بتحب ربنا وانا لأ " حتلاقى نفسك تانى يوم معاهم ، ولو مش مصدق جرب بنفسك .
رمضان قرب .. فرصة يا شباب .. يلا نجرب حاجات جديدة .. يلا نقول لا للسجائر .. يلا نقول لأ لحاجات كثير مش عاجبانا .. يلا ندعي ربنا .. يارب اغفرلنا .. وارحمنا .. ارحمنا .. طهر قلوبنا .. اللهم انا نسالك رزق مريم ، وقصر آسيا ، وتقوى عائشة ، وقلب خديجة ، ورفقة فاطمة ، وجمال يوسف ، ومال قارون ، وملك سليمان ، وصبر أيوب ، وحياء عثمان ، ووجه علي ، وميعاد آل ياسر .يارب استجب يارب استجب